Verhoezing

Houken mit hoesgehaaimen
komen bloot.
Vlouer schoamen zuk dood.
Laampe hangt leeg en groot,
want toafel is votnomen.

Zai, dei noar boven komen,
breken bliend kepöt
wat was in slöt, ontnomen
wodt elk ding an zien löt;
mor laifde is oet God,
en God is laifde. Amen.

Deure dei binnen was,
is nou boettendeure worren.
Onner handen van dei horde
staarft ’t glas.

Spaigel mit aaiwig licht
zwikt langzoam veurover,
en döt koamer dicht.
D’r ligt spinrag over.

Woar divan en duuster stonnen,
is, heur gehaaim bespot,
’n Vraauwenslofke vonnen;
mor laaifde is oet God.
En boeten stoan de honnen.

(Met lichte vrijheden naar Achterberg)